LIGAW? O LUGAW?

sabi ng nanay ko pahirapan talaga ang ligawan noon, grabe kamo! yung tipong pinagsisibak ka ng kahoy, pinagiigib ka ng tubig, pinagluluto, saing, lahat na! jusko, kulang nalang sabihin mo doon sa nanay ng babae..


JUAN: MGA LECHE KAYO! NAGPAKILALA AKO PARA MALAMAN NIYO KUNG GAANO KO KAMAHAL ANAK NIYO, HINDI AKO NAGPAKILALA PARA MAG MAGPASA NG RESUME AT MAGAUDITION BILANG KATULONG!!


GRABETI! pero syempre sa sobrang pag mamahal hindi nila ginagawa yon... ang sweet laaang! ayieee. alam mo yung sobra sakripisyo niya para bang tumawid sila sa kabundukan at nag swiming sa malalim na dagat para lang makarating sa PUSO MO. prince charming? YES ATE! prince charming nga dahil nagkasubukan kung sino nga ang tunay na nag mamahal o sino ang nais lamang tanggalin yang panty mo.

-------------------------------------------------------------------------------------------------

kahapon napaisip ako, sa panahon ngayon nagmamadali tayo no? iniisip natin na kailangan natin ng boyfriend o girlfriend, yung tipong dinaan ka lang sa chat, kayo na agad kinabukasan? dinaan ka lang sa text, ikaw ay nakasex, mga ganung bagay, nakakapagtaka no? hindi naman kasi necessity ang relasyon, nandiyan naman si kaibigan, magulang at best answer si lord, pero hinahanap hanap pa rin ang kakaibang pag mamahal.

alam mo yung palabas sa channel 2? sa ABS-CBN? yung angelito: ang batang ama? hindi naman ko nanunuod yun pero yung asawa ko oo, meron kasing scene doon na yung magkaibigan nagtanungan sila ng..


MARIA: nililigawan mo ba ako?

JUAN: ha? hindi naman ligaw yung ginagawa ko sa ating dalawa, pero kung yun yung itatawag mo sa ginagawa ko para sayo, ok lang naman sakin.

MARIA: oo! sinasagot na kita! tayo na!


PUTANG INANG YAAAN! ANG LAYO NG SAGOT! di mo malaman kung anong irereact mo e, pero oo, totoong nangyayari talaga yon, yung tipong sasagutin na yung lalaki ng walang ligaw ligaw, pero teka, hindi ba masakit yun? masakit in a way na hindi mo naman siya kilala pero pinahawak mo na sa kanya ang puso mo? kumbaga pinahawak mo sa katabi mo sa jeep yung wallet mo kahit hindi mo siya kilala.

syempre dadating sa point na malilito ka sa ugali niya diba? malilito ka sa iniisip niya, marami kang expectations na hindi pala niya kayang gawin, in short DISAPPOINTMENT ang makukuha mo, kasi hindi mo man lang naisip na kilalanin muna siya, timbangin kung anong meron, at pag isipan kung tatagal, o mamahalin mo nga siya.

dati madaling madali yung asawa ko na sagutin ko siya, kasi ayaw niyang mawala ako sa kanya, pero sabi ko sa kanya na, hindi namin kailangang magmadali kasi mahal namin ang isa't isa, kung mahal namin ang isa't isa walang bibitaw sa aming dalawa, dadating rin kami sa puntong makukuha niya ang malupit kong oo, OH! ANG TARAY DIBA! ANG HABA NG HAIR KO! at dahil doon pumayag siya sa ligawan portion, hindi ako nagsisi kasi doon ko siya nakilala ng lubos, at doon ko naramdaman kung gaano niya ko kamahal, sinusundo niya ko sa work kahit sobrang dami niyang gagawin, hindi lilipas ang araw na hindi kami sabay mag breakfast, naiintindihan ko kung anong mga nararamdaman niya, mga ayaw at gusto niya, at nabigyan ako ng pagkakataong bumawi sa kaniya kahit sa maliliit na bagay o gawain.


matagal tagal rin yung hindi ko siya sinasagot, live in na kami, hindi ko pa rin siya sinasagot, kahit ako na ang nagluluto, naghuhugas ng plato o naglilinis ng bahay, wala akong naramdaman na pagod o inis, hindi pa ako pagod ayaw niya na ko pagalawin sa bahay, at siya naman daw ang magaayos ng kalat. hanggang sa namulat yung mata ko ng narinig ko silang naguusap ng tita niya.


TITA: alam ko namang babaero ka, pero sana naman siya na lang ang huling babaeng dadalhin mo dito sa bahay, gusto ko siya, marunong sa gawaing bahay, may kusa, kaso may saltik, minsan nakikita ko yang sumasayaw habang nagluluto, hahaha! pero gusto ko siya, dalawin mo ko, either ikaw lang magisa o kaya siya lang ang babeng isasama mo para makita ko. alam kong it's complicated ang status niyong dalawa, pero sana naman maging in a relationship na.


ang sarap marinig na gusto ako ng pamilya niya, ang saya!wala akong pake na babaero siya noon, noon iyon! ANG IMPORTANTE KUNG ANO SIYA NGAYON, doon ko napagtanto na once na nakilala niyo na ng isa't isa, hindi na kailangan pahabain ang ligawan, panahon na para makamit ang sagot na "OO" kaysa naman sa pagkahaba haba ng ligawan niyo, ilang taon na hindi mo pa siya sinasagot, ayan, nakahanap tuloy siya ng iba, at wala kang magagawa dahil naliligaw pa lang naman siya AT HINDI NAMAN KAYO. lungkot ka ngayon, emo habang umuulan... lugaw na lang ang makakasama mo sa tagulan..

BREAK UPS, BREAK DOWNS

alam ko naman na ang karugtong ng break up ay break downs.. bakit?? E MASAKIT E! NAKAKAIYAK! sinayang mo yung ilang buwan ng buhay mo kasama yung lalaking ginagago ka lang pala, or... yung lalaking minahal mo ng lubos, hindi pala gusto ang lahat ng ginawa mo para sa kanya.

masakit sa una, MAY UPS AND DOWNS NAMAN ANG PAKIKIPAGBREAK E, sabihi na natin mahirap pero jan ka makakabenefit, alam mo na? it's a new life, TRY TO LIVE IT.

------------------------------------------------------------------------------------------

may mga panahon talaga na umiikot ang mundo mo sa iisang tao, yung taong iniisip mong mamahalin ka habang buhay, syempre masarap naman marinig na..


JUAN: maria, i wanna grow old with you...


oh my gad, kilig to the spinal cord! tapos pa date date diyan, picture picture ng nakakiss, lambingan na maharot to the max! ANG SAYA! parang PBB TEENS LAAANG! ang masaklap lang doon, minsan rin talaga hanggang una lang yan, bago kasi kaya sweet, pinapakain ka sa majuray na resto, bibigyan ka ng gift... una extravagant pa yan e, hanggang sa donut nalang yung mga iibibigay sayo, donut na nga lang makukuha mo yung may kagat pa, tapos yung panget yung lasa. HANG SHWET! nakakainis, bakit ba kasi hindi nalang pwede maging consistent na kung gaano siya kalambing at karomantic nung nakilala mo siya ay ganoon rin siya hanggang dulo. kaso hindi talaga e, hindi talaga niya kaya, ang hirap hirap kayang ikaw yung consistent tapos siya onti onting nagbabago na, NAKAKASAWA RIN. inuuto ka lang pala niya, pinapakita niya lahat ng meron siya, ipagmamalaki niya lahat ng kaya niya, tapos bandang dulo echapwera ka nalang sa isang tabi, pagkatapos kang pasabikin, BITIN SA BANGIN ang abot mo

AT DIYAN PUMAPASOK ANG SALITANG BREAK UP. "break na tayo, hindi mo naman kasalanan, hindi lang talaga nagwork ang relationship natin" napakacliche na mga salitaan, TANG INA! aminin niyo nalang kasi, mahirap maging indenial! isa talaga sa inyo ang may kaslanan kung bakit HINDI NAG WORK ANG RELASYON! wag na kayong bumira ng pamapalubag loob, na...


JUAN: mahal pa rin kita... pero hanggang kaibigan na lang tayo.


SHET! bigatin si kuya! kung mahal mo pa bakit hindi nalang kasi ipagpatuloy ang relasyon diba? bakit kailangan pa maging friends? ano to optional si ate? wag na uyy! wag ka na magbigay ng pampalubag loob lines para hindi siya masaktan dahil lalo kang makakasakit sa kadahilanang NAG SINUNGALING KA. mahirap ba? mahirap bang sabihing "hindi na kasi kita mahal" sa isang break up? sabihin na nating oo mahirap nga pero naroon na kayo sa point na maghihiwalay na rin naman kayo e, nagkakasakitan na. SABIHIN MO NA ANG TOTOO WAG MO NANG PAGTAKPAN PA dahil kahit anong sabihin mo ma mga tao talagang aasa at aasa pa rin para magbalikan kayo.

YUN ANG MAHIRAP! kaya ka bumabanat ng pampalubag loob lines ay para hind ka magmukang masama di ba? GUSTO MO KASI LAGI MALINIS ANG PANGALAN MO, na kapag nachika ka ni girl sa mga kaibigan niya ay hindi ka nagmukang masama. iho.. tanggapin ang pagkakamali, at patunayan mong kaya mong magbago, o baguhin lahat ng pagkakamali mo, mahirap maghugas kamay.

pero mas mahirap magbaliktad ng storya, yung tipong ikaw yung nanloko tapos sakitsakitan moments ka sa facebook, MUNGAGO lang talaga, naghahanap ng taong makikisimpatya sa kagaguhan mo, para mag mukang ikaw yung kawawa, pero sa totoo ikaw ang nangkawawa.

alam mo yung istorya ng mga taong nakikipagbalikan? sila yung mga nais ayusin ang maduming kalat na pinagiwanan nila, TARAY! JANITOR LANG ANG PEG! pero seryoso talaga... sila nga yung mga taong hindi makahanap ng iba kasi mahal pa rin nila yung isa't isa, pero meron din naman pagkabalikan nila, doon na nila mapapagtanto na hindi pala sila para sa isa't isa, doon nila makikita lahat ng mali.. LAHAT NG PAGKUKULANG. at iyan ang ups ng isang break ups, masakit na inulit mo lahat ng katangahan mo for the second time, pero at least na realize mo na hindi mo na kailangang magtagal sa lalaking nanloko sayo, dahil alam mong hindi ikaw ang nagkamali, YOU DO NOT DESERVE THE GUY WHO TOOK YOU FOR GRANTED.

KULANG NA KULANG BA? HINDI PA BA SAPAT?

AYAAAN! NANAMAN TAYO mga repapeeps! at napablog na naman ako sa tagal ng panahong nakatenga ang blog kong ito dahil sa subsob sa trabaho ang LOLA mo! sino ang matapat kong repapeeps? how are you all? i'm fine thank you! tanong ko sagot ko ganoooon? haha :)

today is the day, napag tanto kong wala siyang kailangang patunayan, dahil WALA NAMAN TALAGA SIYANG BALAK NA MAY MAPATUNAYAN, alam mo yon? ginagawa mo lahat para tumagal naman ang relasyon niyo pero ramdam mo sa kanya na halos ikaw ang pangalawa sa huli, sa dinami dami ng priority niya sa buhay. PUTANG INA LASLAS! mag laslas ka nalang sa sakit na binigay niya sayo, sana sinabi niya nalang ng harap harapan sa pagmumuka mo na PAAASAHIN KA LANG TALAGA NIYA, para naman kahit papano ay handa ka sa mang yayari.

----------------------------------------------------------------------------------------

TIBAY TALAGA NG IBANG MGA LALAKI NGAYON, ikaw na nga yung pinaasa, pinaghintay, at sinaktan, sila pa ang may gana MANG-LOKO! abay, hanep talaga! hanep na hanep. di ko talaga mawari kung bakit ako naniwala sa lahat ng promise niya noong kami pa, dati gustong gusto kong marinig sa kanyang..


JUAN: ikaw lang ang mahal ko maria, wala nang iba, wala akong balak na lokohin ka.


aba! ako naman tong si gaga, kung kiligin WAGAS! makapaniwala naman ako kala mo guguho na ang mundo at no choice na talaga kungdi maniwala, GRABE TEH! ng makita ko sa dalawang mata ko, na ang dami daming babae pala ang inaakit niya, shet naman kala mo pogi ang lakas ng loob, MAGALING LANG TALAGA MANG-UTO. diyos ko, muntik na ko atakihin sa puso, ang kapal talaga ng muka pinost pa sa FACEBOOK, ahh tang ina gera na to! gera gerahan ang peg ng ate mo, AHHH UMMM! tapos sasabihan ka ulit ng..


JUAN: ikaw lang talaga maria.. wala ng maiba... close lang talaga ako sa girls.


AY KILIG NANAMAN AKO! kahit narerealize kong katangahan na ang ginagawa ko, bulag sa lahat ng panloloko, naririnig ko lang lahat ng gusto kong marinig.. ANG SAKIT... ANG SAKIT SAKIT! kung gano niya ko pinaikot sa palad niya,sasabihan niya na nagiisa lang ako sa buhay niya pero marami pala talaga kami. PUTANG INA ANG LALANDI NIYONG MGA BABAE KAYO! pero hindi lang naman ang mga babaeng kalandian niya ang dapat kong sisihin kung hindi siya rin, siya ang may pakana ng lahat. sabi nga nila, walang magpapalandi kung walang mang lalandi o vice versa.. tama nga naman bakit mo lalapitan ang isang taong hindi naman nagpapakita ng motibong nais ka niyang kilalanin pa.


once and for all ayoko nang umasa, umasa na pagkatapos ng ginagawa niya ay yayayain niya ako para lumabas at makipagdate sa kaniya, kasi baliktad lagi! alam mo yung ako yung nagyayaya tapos irereject niya kasi busy siya, naiintindihan ko naman na busy siya e, pero yung ULTIMO LAGI BUONG ARAW?? BENTE KWATRO ORAS SA ISANG LINGGO?? tang ina! sobra naman yata yan. makakatiis ba ko na sa text lang kita makakausap at hanggang skype lang tayo? ANO TO? LONG DISTANCE RELATIONSHIP?? kung bago tayo pumasok sa relationship sana sinabi mo na muna na yoon ang makukuha ko kung ikaw ang boyfriend ko, sana sinabi mo nalang sa akin na LONG DISTANCE pala ang papasukin ko, at puro ka paasa, puro ka KATALKSHITAN. alam mo yung feeling na sige 4 PM uuwi ako tapos magtetext ka ng 8 PM na hindi na pala tuloy yung lakad natin? talkshit na gago pa! hindi pa ba obvious na hindi tuloy? malamang di ba? TAPOS..


JUAN: maria sorry na, hindi ko naman sinasadya e... busy lang talaga ako.


BUSY NA KUNG BUSY! pero pinaasa mo ko, puro sorry nalang.. tapos ganoon rin pala ang mararanasan ko pagkatapos ng isang linggo paulit ulit lang, wag naman sanang lumakas ang loob mo na sabihin saakin na hndi ka nagkulang... DAHIL NAG KULANG KA.. ginawa ko lahat para sa iyo... para sa atin... pero nakakasawa na ako nalang dapat lagi ang gagalaw dahil busy ka sa mga gawain mo.. minsan talaga ramdam ko NA PANG HULI AKO SA PRIORITY MO, sana minsan naman maramdaman kong pang UNA ako sa listahan mo.

isa kang tao na may pusong bato. ang korni talaga nung kantang yung di ko alam kung bakit pero dapat lang yung sayo, kung gano ka kamanhid sa lahat ng ginagawa mo, kung gaano mo pinakita sa akin na torpe ka at hindi mo kaya mag mahal, kung paano mo pinakita saakin na MASYADO KANG BUSY PARA ASIKASUHIN ANG GIRLFRIEND MO PERO MAY MAS TIME KA PARA SA IANG TAO.


pero salamat, nagpapasalamat pa rin ako, na pinakita mo sa akin na may lalaking MAS HIHIGIT PA SAYO at kayang kayang lagpasan lahat ng binigay mo sakin. salamat ha! na dahil ginago mo ko ay nagpakita siya para alagaan ako, para mahalin ako, at para ibigay saakin ang mga PAGKUKULANG MO.


gising na ko sa katotohanang wala kang mapapatunayan at hindi ka karapat dapat sa isang babae.

WAG KA MASYADONG JUDGEMENTAL, HINDI KA RIN NAMAN PERPEKTO

simula ng iluwal ka ng ina mo sa mundong ibabaw, nandiyan na ang mga taong aalalay, gagabay, at susuporta sa iyo bilang kamag anak at kaibigan. KAIBIGANG nariyan sa iyong pag iyak, pag bagsak, tagumpay at hirap, kaibigang nakikinig at nakakasama mo sa tuwa at lungkot, K-A-I-B-I-G-A-N.

ANG SARAP MAGKAROON NG KAIBIGAN NO? ang sarap magkaroon ng kasama, okay lang na walang boyfriend, ang mahalaga ang may kaibigan. yung makakasama mo tuwing break sa school, at kachikahan mo pag wala ang prof... kaibigang TUNAY. nagkalat na kasi ang mga PEKENG kaibigan, MGA PLASTIK, MANG GAGAMIT, WALANG KONSENSYANG INILULUBOG KA SA KAHIHIYAN ng wala kang kaalam alam, trending na ngayon yan, hindi lamang sa net kung hindi sa kahit saan, mapakapitbahay man yan, work o school, minsan nga nakapackage pa yan e, lalapit sayo kakaibiganin ka ng isang grupo, nagbabaitbaitan, nakikipagtulungan, pero pag katalikod mo, daig pa nila ang isdang PAGKALANSA LANSA sa wet market. lahat ng panglalait, at mapapagkatuwaan sayo sinabi na, ANG BABAHO NG MGA UGALI, animo'y may pakpak at mala anghel nung una, pag pikit mo naman nagliliyab ang matatalas na dila kadadakdak at kakalait sa iyo. kung hindi lang busy si santanas malamang hinila na niya isa isa ang mga paa nitong mga dalaga at binatang SARADO ANG MGA UTAK, MAPANGHUSGA, AKALA MO PERPEKTO SA LAHAT NG BAGAY.

------------------------------------------------------------------------------

mapababae, mapalalaki, matanda o bata, wala nang pinipili ang sakit na KAPLASTIKAN, nariyan para manira ng buhay, nariyan para manggulo ng bagay bagay, ang masaklap pa roon may malaking grupo ang nagkakasundo sa paninira at panglalait ng isang taong hindi naman pinapakielaman ang buhay nila't nananahimik na lamang, hindi ko lubos maisip, kung paano nila nakukuhang GAGUHIN ka sa lahat ng ginawa mo para sa kanila, hindi ko lubos maisip kung paano sila nagkaroon ng lakas ng loob para sirain ka. MGA WALANG KONSENSYA! minahal mo sila na parang kapatid, tinulungan at pinasaya tapos sa bandang dulo, KALAIT LAIT ka lamang sa kanila.


BACKSTABBER! BACKSTABBAN! laganap sa mga mga plastik na kaibigan, sa harap mo puro maganda ang sinasabi, sa likod mo puro kasiraan, sasabihan mo ng MAGANDA SIYA. pag kaalis, mula ulo hanggang PAA nilait lait mo na...

"MUKHANG POKPOK HINDI NA AKO MAGUGULAT NA MABUBUNTIS YAN E! SANA MABUNTIS NGA YAN"

ang kapal ng mukha hindi na nahiya, dapat sayo pasabugin ang mukha ika nga ng mga bata sa kalsada, o kaya naman nawa'y SAMPALIN KA NG KARMA, para matauhan ka sa kagaguhang ginagawa mo, hindi mo man naisip na minahal ka ng KAIBIGAN mo dahil sa PAGKAKAALAM niya minahal mo siya kung ano siya, SA PAGKAKAALAM NIYANG MAAASAHAN KA NIYA. ayun! akala lang pala yon, DAHIL UBOD KA NG PLASTIK! MANG GAGAMIT! gusto mo lang siya magging kagrupo para siya gumawa ng proyekto niyo, magbabait baitan ka, ABOT LANGIT NAMAN ANG SUNGAY MO.

e ano ngayon kung gumigimik siya at nainom?? PINAPAKIELAMAN KA BA NIYA kung bakit wala kang BRA sa bahay?? hindi mo na kailangan halungkatin ang mga pangangailangan niya PERSONALLY, malay mo ang pag gimik gimik niya ang nakakarelieve ng stress niya, bakit hindi mo kayang isang tabi ang bagay bagay at lahat kailangan mong gawing big deal, PAG SIYA GUMAWA MALAKING KASALANAN, pag ikaw ang gumawa wala lang, TANGA KA BA?? kung si lord nga pantay pantay lang tinggin sa atin, ANG KAPAL NAMAN NG MUKHA MO manghusga ng tao.

JUDGE JUDGE JUDGE, puro ka JUDGE! porket makapal ang make up PROSTI NA?? bakit? ang make up ba ang kumocontrol ng kabaitan ng isang tao? oo makapal make up niya at nakakatawa siya manamit, pero kilala mo nga ba siyang tunay?? YAN ANG HIRAP SA TAO E! NAPAKA JUDGEMENTAL! hindi muna kilalanin yung tao ng lubos, ni hindi mo nga nakakasama 24/7 yon, tatawagin mo na agad na pokpok?? WOW. taas ng leveling mo teh. ano ngayon kung makapal siya mag make up? at least maaasahang kaibigan siya, shoulder to lean on, to cry on, magaling mag advice, hindi katulad mo PLASTIK!!

o baka naman insecure ka lang, INSECURE KA AT NAGMAMATAAS, akala mo MAGALING ka sa lahat, ginagawa mo siyang katatawanan para mag mukha kang WISE, akala mo lang yon! wala kang nadudulot na maganda, SALOT KA SA LIPUNAN! yang gawain na yan? gawain yan ng mga taong nasaibaba ang level ng IQ, hinihila yung mga nasa taas, ipinapahiya, sinisiraan, PARA MAG MUKHA SILANG MAGALING.

try mo naman maging open minded sometimes, ano ngayon kung hindi na siya VIRGIN at madaldal siya?? it doesn't mean na MASAMA ANG UGALI NIYA AT IPAGKAKALAT MO NA, anong pake mo sa kalibugang meron siya? ANG NAKAKAINIS YUNG MGA TAONG AYAW MAGPAKATOTOO, NAGMAMAANG MAANGAN, NAGMAMAGALING. so what kung usapan niyo SEX? AT LEAST OPEN MINDED KAYO! na katatawanan lang yon at wala ng iba. MAKIKITID KASI ANG MGA UTAK NG TAONG JUDGEMENTAL, kung makareact kala mo kung sinong santong bumaba sa kalangitan..

PARA SA MGA NATATAPAKAN, NAHUHUSGAHAN, SINASAKTAN NG LUBOS, tandaan niyo, MAKIKITID ANG UTAK NG JUDGEMENTAL, pasok sa kanan, labas sa kaliwang tenga nalang ang gawin niyo, dahil HINDI SILA WORTH IT, wala silang kwenta, wag niyong hayaang masira ang buhay mo ng dahil sa kanila, hindi ka nabuhay para paglingkuran sila, kung hindi ka nila tanggap, IWANAN mo, LIVE, LAUGH AND LOVE THE REAL FRIENDS THAT ARE THERE, at kalimutan ang mga taong wala namang naiidudulot sayo ng maganda, hayaan niyo, SASAMPALIN DIN SILA NG MASAMANG KARMA.

LIBRE LANG MANGARAP, SOBRANG SAKIT NGA LANG

alam mo yung pakiramdam na kapag nakikita mo si crush ang saya saya ng pakiramdam mo? kahit picture lang sa FB, yung tipong ginawa mo pang wallpaper mo sa laptop mo, sa cellphone mo, tapos magpiprint ka pa ng picture niya tapos isisingit mo sa ID holder mo, tapos kapag tinanong ka kung sino yung nasa picture sasabihin mo boyfriend mo, sabay pahapyaw na "joke lang" para hind ka naman masyado mag mukhang feelingera. kunyari araw araw mo siyang kasama, halos mapuno na yung likod ng notebook mo kakasulat ng pangalan niya. hindi makukumpleto ang araw mo hangga't hindi ka updated sa status niya sa FB, o kaya sa twitter, siguro kung totoo lang yung kasabihan ng mga matatanda, namatay na yun sa kakakagat niya sa dila niya kasi may nakakaalala sa kanya.

ikaw na! ikaw na ang number 1 fan niya, hindi ka naman niya kilala pero lahat ng hlig niya alam mo, lahat ng ayaw niya alam mo, lahat ng info niya alam mo, halos nagmukha ka nang kidnapper sa pinag gagagawa mo, pero go ka pa rin ng go dahil nagabakasakali ka na magkrus ang landas niyong dalawa kahit alam mong malayo... MALABO.

______________________________________________________________

ang sakit isiping hanggang pangarap mo lang si crush, na kahit magpakadesperada ka, kahit ikaw pa ang manligaw, hinding hindi siya mapapasa iyo. buong araw siya lang ang nasaisip mo, daig mo pa ang girlfriend. pasoundtrip soundtrip, nagiimagine na magkausap kayo, MTV ang peg, mukang tanga kinikilig sa kama panay ang halik sa picture ni crush sa CP.

haaay, bakit ganon no? bakit sa lahat ng lalaking pinangarap mo, nakita mo nga ang swak sa qualifications mo, hindi pa pwede mapa sa iyo, ANG HIRAP! ang hirap mangarap. maiinis ka sa kanya ng walang dahilan, bakit? KASI NGA HANGANG PANGARAP LANG SIYA AT SOBRANG TINAMAAN KA, SOBRANG MINAHAL MO SIYA KAHIT ALAM MONG HINDI KA NAMAN NIYA KILALA. nag dadrama ka lang teh, hindi mo mahal yan! IDOL mo lang, pano mo mamahalin ang taong hindi mo naman talaga nakilala ng totoo, malay mo puro kasinungalingan lang pala yung nasa info niya at ibang iba siya sa personal, wag kang padalos dalos. INFATUATION lang yan, akala mo lang mahal mo siya pero sa totoo CRUSH MO lang talaga, makakalimutan at makakalimutan mo rin yan, magsasawa ka sa kakahabol sa wala. face the fact, IDOL mo lang yan.

ang tunay na masakit yung kausap, kabiruan mo dati si crush, tapos bigla na lang nawala dahil may girlfriend na pala, NANDUN NA E! may posibilidad na maging kayo, nawala pa, nakakaiyak isiping nawala na lang siya ng bigla na kahit ilang mura at MASASAKIT na salita pa ang itext mo sa number niya hindi ka nirereplyan, hindi ka naalala, hindi mo alam kung napaglaruan ka lang ba, o ginawang panakip butas...

naalala mo pa dati na inaabot kayo ng madaling araw sa pagkukulitan sa telepono, halos lahat ng topic na pwedeng itopic napagkwentuhan niyo na, naalala mo yung time na ayaw niya ibaba yung telepono dahil gusto ka pa niya makausap, ANG SAKIT! isang araw wala na siya diyan, hindi ka na pinapansin, hindi ka na rin kinakausap, NAAALALA KA LANG KAPAG MAY KAILANGAN.

nakakainis talaga yung mga ganung tao, kung pwede mo lang sila sakalin, sasakalin mo talaga e no?? binigay mo na lahat lahat iniwan ka pa, pero kahit anong sakit yung binigay sayo nandiyan ka pa rin, naghihintay sa kahit blankong text niya, o isang segundong miss call, naghahabol sa lalaking lam mo namang hindi ka mamahalin pro nagbubulagbulagan ka na lang dahil gustong gusto mo siya...

hindi ka naman nagkulang, huwag mong sisihin ang sarili mo, pero wag mo na siyang habulin... HE'S NOT WORTH IT.

ANG SAYA MAGING SINGLE! (PERO DEEP INSIDE I'M CRYING)

minsan talaga magkakaron tayo ng bestfriend na lalaki, yung sobrang close ninyo sa isa't isa parang ang sarap na niya maging boyfriend? halos lahat alam mo sa kanya, mapa favorite song, favorite food, favorite color, kulang nalang bumili ka ng slambook tapos sasagutan mo lahat, ipapasuyo mo nalang yung dedication. yung mga ganon.

higit sa lahat hindi lilipas ang isang araw na hindi mo tinitignan ang mga pictures niya sa facebook, kahit paulit-ulit, kahit alam mong natignan mo na yung album kanina, titignan mo pa rin; tapos ma papatanong ka sa sarili mo na...

"bakit ba hindi pa naging kami??"

oo nga no? bakit hindi mo nalang syotain yang bespren mo? isa lang naman sa got diyan e, kapatid lang kasi ang turing niya sayo, BOOM! saklap niyan! sagad to the bones, tagustagusan parang regla!

_________________________________________________________

ang saya saya kapag may taong nandiyan at naglalambing sayo, nagaalala, nagtatangol, pero ang sakit sa bangs na malaman na hindi ka niya bet! kahit ilang monay pa ang isiksik mo diyan sa bra mo para lumaki ang suso mo, HINDI KA TALAGA NIYA BET, kahit na magkakakawag ka pa sa dagat at lunudlunuran ang peg mo, tanggapin mo ang katotohanang HINDI KA TALAGA NIYA BET.

sa panahon ngayon, maraming kababaihan talaga ang nasasaktan, naghahabol, nagpaprinig na "single ako, ang saya lang", pinangangalandakang single sila, pero DEEP INSIDE nagbabakasakaling may manligaw sa kanila. yung tipong nagkukunyariang masaya siya na single siya pero hindi rin niya matago kakapost ng mga quotes tunkol sa broken heart, minsan nalang maiimagine mong kakapost nila ng ganun umiiyak yan maya't maya e.

"single and very happy"

tapos mamaya mag popost yan ng...

"ang sakit talaga, akala ko mahal niya ko, hindi pala"

HAPPY? HAPPY?? yan na pala ang bagong definition ng happy ngayon, PUTANG INA! kalokohan. wag na kasing maghabol sa lalaking KAIBIGAN LANG ANG TURING SA IYO, lalo mo lang sinasaktan ang sarili mo. kung ako sa iyo, gumising ka sa realidad, kaysa sa papost post ka sa facebook na sinusumpa mo ang mga lalaki sa mundo, dahil una sa lahat hindi naman lahat ng lalake mangloloko, ikaw ang may problema,  alam mo na ngang niloko ka hinahabol mo pa rin.

wala kang mapapala kakapost ng hinanakit mo sa facebook nagbabakasakaling tamaan si CRUSH, hindi naman kasi tatamaan yan, HINDI KA NAMAN KASI MINAHAL NIYAN. tapos kapag nalaman mong may girlfriend na pala yang si crush, i lalike mo yung pictures nila ng girlfriend niya kahit banas na banas ka na dun sa pagmumuka nung babaeng yun, i-aad mo pa yung girlfriend niya, tapos magagalit ka, ipagkakalat mo na snob yun dahil HINDI nagpost sa wall  mo ng...

"thanks for the add :D"

tapos titignan mo yung pictures nung babae, lalaitin mo mula ulo hangang paa

"tang ina ang landi naman neto feeling model"

e ano ngayon kung pa pose pose siya sa mga pictures niya?? walang basagan ng trip! ikaw ba hindi mo napagdaan yang pipicturan kang nagmomodel-modelan ka, o ano ngayon kung inadd mo? anong gusto mo ilike lahat ng mga post mo pati yang mga pictures mo para hindi mo siya tawaging snob?? OKAY KA LANG?? nag hahanap ka lang ng away, at ipinapasa mo ang galit mo sa inosenteng taong inaccept na nga yang friend request mo, inaway mo pa.

MAIN POINT, wag na maghabol, at wag kang magpaka EMO, laslas ka na jan sa isang tabi dahil nagkaron ng girlfriend yang crush mo, dati feeling inlove ka nung single siya, ngayong may girlfriend na siya, panay pagmamalaki mong MASARAP MAGING SINGLE, para matakpan lang yang hinanakit mong nagpapakadesperada ka nang magkaboyfriend.

IHA! hindi minamadali yan, LOOK AROUND YOU, maraming bagay ang maaring makapagpasaya sa iyo, kung ako sa'yo imulat mo yang mga mata mo at alisin mo yang isip mo sa pagboboyfriend, yan lang naman ang hirap sa tao, panay reklamo walang gawa, puro asa hindi maghanap ng paraan. WAG MONG DAANIN SA DESPERATION ANG BAGAY BAGAY, matuto kang mag MOVE ON..

ONE WEEK PALANG KAYO, SUSNUDSUNURAN KA NA? ANO TO PBB TEENS??

alam mo yung PBB teens, doon mo talaga malalaman kung anong klaseng henerasyon meron tayo e, infairness hindi talaga ako nanonood nun kasi na kokornihan ako e, pero sa mga kumakalat sa internet at ayon sa mga kwentuhan ng mga pinsan ko, UBOD NG LALANDI ang mga housemates ngayon! MGA HALIPAROT! sarap igisa with bawang at sibuyas.

pero aminin, lumandi rin tayo ng ganyan kalandi, yung tipong wala nang ligaw ligaw, pasimpleng holding hands, yakap onte. parang globe lang! GO LANG NG GO! depende nalang kung amoy anghit ka noon at walang gustong lumapit sayo, o may 7 wonders of the world jan sa mukha mo, may talampas, may bundok, may burol, MALUFET PAG MAY VOLCANO! yung puputok maya maya.

pero kung tutuusin, kung ikukulong kayo sa iisang bahay ng napakatagal na oras, malamang sa malamang mapapalapit talaga ang loob mo sa mga tao doon, lalo na sa taong pinakacomportable kang sabihin ang lahat. di mo rin naman kasi mapipigilan magpaka totoo, ang tagal nyo kaya don! alangan naman magpakaplastik ka buong laro? edi HIGH EXPECTATIONS sila sa iyo dahil ikaw yung pinakamabait doon sa bahay ni kuya, bale bawal ka lumandi sa labas, o maging maharot whatsoever.

______________________________________________________

balita ko may nagsabi daw doon na 9 days na sila and they are going strong, hindi ko alam kung totoo ang chismis or what pero kung sakasakaling totoo nga MAPAPA... HUUUUWWWWAAAAT?? ka talaga e. parang dati lang sinasabi ang term na going strong pag dating ninyo at ng partner mo ng like... 2 or 3 years? o after kasal siguro, pero 9 days? 9 days?? PUTANG INA KALOKOHAN!

maiba lang, alam mo yung feeling na first week nyo palang ng boyfriend o girlfriend mo pero sunudsunuran ka na? yung tipong sabihin lang niyang mag iba ka ng style ng pormahan, gagawin mo agad? ewan ko rin kung bakit ganun e, hindi ba naging kayo nga dahil he/she LIKES THE WAY YOU LOOK? hindi naman naging kayo para baguhin niya pagkatao mo hindi ba? maaring sa ugali pwede pa, pero sa pananamit at itsura? parang below the belt na ata yan. kung tutuusin, yan na ang personal space mo, parang CANVASS lang, diyan mo pwedeng ipinta, o iexpress lahat ng sinasaloob mo.

PERO GANOON PA RIN PAG SINABIHAN SA MGA SUSUNOD NA LINGGO O BUWAN, susunod pa rin ng walang laban. magpagupit ka kaya? gagawin mo agad, try mo magpolo bagay sayo, bibili na yan mamaya. BAKIT NGA BA? heto na ang malalang explanation niyan, sa buhay pag ibig, gagawa at gagawa ka talaga ng paraan para mapatagal niyo yan, alangan naman kasing parehas kayong matigas ang ulo at ayaw sumunod, sinabihan si girl na wag na uminom ayan! nabuntis ng barkada, sinabihan na si boy na wag na sumali sa frat, AYUN! TEPIS SA KALYE! nasali sa gang war, basag ang mukha. ay wala talagang mangyayari sa relasyon ninyo! NGA NGA ang abot niyo! SAKIT SA BANGS! hindi nagwork-out ang relasyon, tinamad mag punta ng gym.

kahit sabihin mong 70% lang ng pagmamahal mo ang ibibigay mo para hindi ka masaktan ng todo, BIBIGAY AT BIBIGAY ka pa rin. SUSUNOD ka pa rin, dahil nga mahal mo siya at ayaw mo siyang mawala, at nagbabaka sakali ka na maaring mas mapamahal siya sa iyo dahil ginagawa mo ang gusto niya, parang SCHOOL lang rin naman ang relationships e, gawin mo ang tama MATAAS ang grade mo, may chansa ka pa maging 1ST honor, gumawa ka ng mali, mababa na nga grades mo, uurong ka pa ng upuan, doon ka na banda sa row 4, malapit sa basurahan.

yun lang naman ang main point, EFFORT! isang malalang malalang EFFORT nag kailangan mo para gumanda ang takbo ng relationship niyo, diyan rin kayo makakabuo ng trust; sa bawat pag sunod mo napapatunayan na nagmamahalan nga kayo, at nageeffort kayo para mahalin ng more than before.

pero dapat GIVE AND TAKE hindi take lang ng take yung isa, halos magparetoke na just to please the man, magbigayan rin, para hindi one sided ang relasyon at isa lang ang nageeffort, yun ang tunay na nakakasakit. huwag mo naman sanang hayaang itake for granted ka. ikaw rin ang magsisisi sa bandang dulo. minsan kailangan din natin ng understanding at respect sa personal space, halimbawa gusto magsuot ng short dahil mainit, e ayaw ng boyfriend mo, gusto niya nakapantalon ka at varsity jacket para swagger! iparealize mo naman sana sa kanya na HEAT STROKE ang abot mo sa pag sunod sa kanya, sana maging OPEN MINDED naman siya minsan..